WAYTAYATEETAAP TUKUUK ĀK NG’ALEEK CĒĒ TŌŌKU
Waytayateetaap tukuuk kunyēē pooruu kule kukwanee tukuuk kōōrēēt ake, kupeetee tukuuk kōōrēēt ake, nto tukuuk cēē tukurumtaap ruurēētyēēt, nto coo kanam kupa wulyaa ake nto ciinum kukwaa āriit nto kupeete Uganda tukuuk kumiitē kiito nyēē pooruu kule ciinumunee kaastoom reefeenyuu nto ceelyeele ng’al cēēmācē, karaktayeet, ng’aleek cēē cēērupē, nto kiitake nyēē ākoy yiy. Waytateetaap tukuuk ku areet mācēēmācē ām kamoonkeesyaantiit, ānkuyiy paatee piiko cēē mōōrōōng’iis kule ceenyooru mokoryoontiit, kupoonto perperyeet nyēpo mapoonto kunkēt ng’aleek cēē kwōōnee nto ng’aleekaap yēēmēēt.
Waytayateetaap tukuuk kunyēē tōōkuu ām aroosyek cēē caang’ kumiitē āriit cu:
- Tacikeey mēēpuntēē kaastoom ām poota ānkēēyiisyēē aroosyek cēē mācēēmākyinii
- Kukiciitiilyaa kuruptooy keey āk tukuuk kuyuu kule kwōōnēē kōōrēēt ake cēē tukusiic sakung’eet ceelipan musōōrēēt nyēē kiisiic.
- Maceemarare tukuuk tāpoon kuyuu kule, cēēywēēntyi musōōrēēt nyēē kisiic.
- /Ciitiilyaa tukuuk ām ateepto nyēē manyooto sakung’eet ceekarakan musōōrēēt nyēē kisiic.
- Ciipoor karatasiinakaap nto kiito nyēē nāmē keey sakung’eet kureekunee musōōrēēt.
- Ceemwoow kōōrēētaap tukuuk nyēē manyooto kuyuu muucē kumwoow ciitake kule kwōōnēē tukuuk maakitiit nyēpo Koongasiis āk Tiinkeey nyēpo Africa (COMESA) kunyoor areet nyēē kaciiyway tukuuk ānkuyēēc kule kwōōnēē saang’ ām COMESA.
- Ceewuny tukuuk
- Cunkuruteetaap peeyiit nyēpo kuyuu yoo kakwaalyaa tukuuk coo kaceewoow ām peeyiit nyēē kisiic nyēē pooryee tukuuk cēpo manta kupooruu kamweenateet nyēē mātāpoon
- Kārāktōōs kitang’wēēk kupo kamweeneet nyēē māpoon kusutu tukuuk coo ceewoowu
- Sutu kupootyoo yiisyōōnuutēēk kusiir yoo kikaraktōōs kitangwēēk kusiir kule mēērurucē kaasuumeeti musōōrēēt nyēē kōōnuu kakoolyooyiisyēēt ām suputal nto sukuulu
- Tastooy tapanta kōt yoo saceekarakta tukuuk kuyuu puntukiinak coo ceewoowu.
- Pootōōs sāpoonwēēk āmnyēē tukuuk cēē ceewoowu kule mātāpoonēc ānkuwuurtooy piic
Ām ntarastiit nyēpo kayoomateet koongasiis nyēpo Africa ām kaastoom, ceewaayta tukuuk ku ng’alyoo nyēē miyaat ānku ceeerate piic. Ng’aleek cēē miyootec cēē tōōku tukuuk coo ceewoowtooy āk ng’alyoontēēt nyēē tuyē ku cu:
|
SN |
Coo mācēēmācē |
Cēē tuyēē |
|
1. |
Ciito nyoo poonto ntekeet ānkwiiyiisyēē kuwooytooy tukuuk |
· Yēē katapee kōt kutook ām ciito nyēpo kiito kupoonto tukuuk kumiitē ng’unyiitaap taaniinak 250, kunyoor fayiin nyēē makeeytee $7000 āk kiito ake āk tukuuk kuruptooy keey āk kiito nyēē kaciiwuurta kayamkeey kwaasta kiyaato.. · Yēē katapee kōt kutook ām ciito nyēpo kiito kupoonto ndekeet nto kumiitē taaniinak cēē keeytee 250, kunyoor fayiin nyēē makeeytee $10,000 āk ndekeet nto kiito nyēē ciiyiisyēē āk tukuuk āk kiito ake āk tukuuk kuruptooy keey āk kiito nyēē kaciiwuurta kayamkeey kwaasta kiyaato.. |
|
2. |
Ciito nyee poonto matakeet kwiiyiisyēē kuweeytee tukuuk |
Yēē katapee kōt kumitē ciito nyē poonto matakeet, kunyoor fayiin nyēē makeeytee $5,000 & nto matakeet āk tukuuk kule kuruptooy keey āk kiito nyēē kaciiwuurta kayamkeey kwaasta kiyaato.. |
|
3. |
Sutu ciito tukuuk kukwaanee kōōrēēt, kunum, kusut alak kupa kōōrēēt, nto kākwiiyē wuliin po tukurumtaap rurēētyēēt nto poonto tukuuk cēē cēēmākyinii kukwa |
Kunyēē makunam keey āk musaankuut ang’ceerat parooyiinto nyēē kenyiisyēt 05 nto fayiin nyēē yāmē keey āk 50% nyēpo tukuuk nto tukwaay |
|
4. |
Sutu nto kooyte tukuuk cēē kar |
KĒRĒSYI Amwaaytee cii ake tōkōl nyee wooytooy tukuuk kuwo URA ām naampeeaap simuut nyi: 032344205 nto ēmēēyiil nyi cim@ura.go.ug. Cii nyēē poonto lōkōōywēēk ceenyoor musōōrēēt kunyēē kurapuut nyēpo 5% nyēpo musōōrēēt kacēēnyoor
NKĒT NG’ALEECU: Lōkōōywēēcu kucēē po paatee kukakwaalyaa ciinyaaceek anku muuci ceeweecweec ntarastiinakaap musōōrēēt nto ng’aleek alak cēē nāmē keey akoo musōōrēēt.
