Okwetooloola eggwanga, omulimu gw’okutuusa obuweereza bw’ebyobulamu ku bantu gukolebwa gavumenti wamu n’abantu ssekinnoomu. Okusinziira ku minisitule y’ebyobulamu, gavumenti etuusa obuweereza bw’ebyobulamu eri abantu ebitundu 66 ku 100 (66%) mu ggwanga lyonna okuyita mu malwaliro ag’enjawulo. Mu malwaliro gano mulimu agali ku mitenedera egisookerwako (Heallth centers II, III & IV) nga kuno kw’ossa agali ku mutendera gwa disitulikiti (Regional referrals) wamu n’eddwaliro ekkulu e Mulago.

Waliwo abantu ba ssekinnoomu abatuusa obuweereza ku bantu mu ngeri y’obwa nnakyewa, okwo ssaako abo abakola n’ekigedererwa ky’okufuna amagoba.

Kumpi ebitundu 70 ku 100 (70%) eby’amalwaliro mu Uganda biri wansi w’ebitongole mwe geegattira, nga kuno kuliko; Uganda Catholic Medical Bureau (UCMB), Uganda Protestant Medical Bureau (UPMB), Uganda Orthodox Medical Bureau (UOMB) ne Uganda Muslim Medical Bureau (UMMB) ng’amalwaliro gano gakola ebitundu 5 ku 100 (5%) ku malwaliro gonna agali mu ggwanga. Ebyobulamu by’e Uganda biddukanyizibwa gavumenti, ssaako n’abantu ssekinnoomu ng’agamu gakola amagoba ate amalala tegakola magoba. Ebyobulamu mu Uganda birimu abo abakola emirimu gino wammanga:

• Okujjanjaba abantu
• Okukola ebintu omuteekebwa eddagala
• Okukola eddagala n’ebikozesebwa mu malwaliro