Abakuggu/Bakakensa mu by’okuzimba (Construction professionals)
Abakuggu/Bakakensa mu by’okuzimba (Construction professionals)
Omukuggu mu by’okuzimba ye muntu awaayo empeereza ey’ekikuggu mu nkola ey’okuzimba oba mu pulojekiti z’okuzimba. Bakola emirimu eggy’okukola oba okuddaabiriza endabika/dizayini, okulabirira, okwekanya, okuzimba oba okutunuulira eby’okuzimba byonna eby’okutereeza eri ebizimbe, ettaka oba okumaliriza pulojekiti. Muno mulimu abakubi ba pulaani z’ebimbe, bayinginiya, abalirira ensimbi ezinakozesebwa mu kuzimba n’okukuumira ebizimbiddwa ku mutindo n’abalala.
Abakugu mu by’okuzimba layisinsi zaabwe baziggya mu bitongole ebimanyikiddwa mu mateeka omuli;
- Minisitule y’ettaka, amayumba n’okulaakulanyizibwa kw’ebibuga
- National Construction Authority
Layisinsi ezibakiriza okukola oluusi bazifuna okuva bitongole byaabwe ebimanyikiddwa ebiteereddwawo nga;
- Architects Registration Board
- Engineers’ Registration Board
- Uganda National Building Certified Engineers and Contractors (UNABCEC)
Ku lwa ssekinoomu
- Endaga muntu oba kaadi endala zonna bbiri ezikwogerako; paasipooti, pamiti y’emmotoka, kaadi okulonderwa, kaadi ey’okukyalo eva ewa kyayimaani, kaadi y’okumulimu, kaadi y’obubuddami, sitatimenti ya banka eraga ennyinga n’ensasanya, pamiti ekkukkiriza okukolera mu Uganda, kaadi ya ssente, Visa, kaadi y’ekittavvu ky’abakozi (NSSF) n’ebirala.
- Satifiketi ey’obuwandiike (bw’oba oli mu bizineesi)
- Sitatimenti y’ebikukwatako n’endagaano z’abeggasi (eri abeggasi)
Eri atali ssekinoomu
- Foomu nnamba abiri (20) eya kkampuni
- Satifiketi eraga okutondebwawo kwa kkampuni
Nnyiga wano/Click here ku byetaagisibwa okuwandiikibwa
- Wetaagibwa okukyalira omutimbagano ku kibanja kya URA ura.go.ug
- Nnyiga wano/Click here okuwandiisibwa nga ssekinoomu
- Nnyiga wano/Click here okuwandiisibwa nga atali ssekinoomu
Ng’omuwi w’omusolo olina eddembe lyo. Mungeri yeemu waliwo obuvunanyizibwa bw’olina okutuukiriza.
Nnyiga wano/Click here ku ddembe lyo ng’omuwi w’omusolo.
Nnyiga wano/Click here ku buvunanyizibwa bwo ng’omuwi w’omusolo.
Omusolo ku nnyingiza ya ssekinoomu
Omutemwa gw’omusolo ku nnyingiza eri bassekinoomu gusinziira ku kutuluba ly’ennyingiza ssekinoomu mwagwa.
Kino kiteekebwa ku bantu ssekinoomu n’abatwalaganya/badayirekita ba kampuni enzimbi.
Nnyiga wano okufuna emitemwa ggy’omusolo ku nnyingiza.
Omusolo ogugyibwa ku ssente omukozi zafuna okuva mu kukozesebwa
Omukozi yenna akozesebwa kampuni enzimbi yetaagibwa okufuna TIN, n’omukozesa (kampuni) alina omulimo ogw’okuwandiisibwa ku musolo ogugyibwa ku ssente omukozi zafuna okuva mu kukozesebwa okusobola okutoolako okuva ku buli mukozi afuna omusaala gw’omwezi ogussuka 235,000/= era naziwaayo eri URA.
Nnyiga wano/Click here ku mitemwa ggy’omusolo oguggyibwa ku ssente omukozi zafuna okuva mu kukozesebwa.
Omusolo oguggyibwa ku sente ezisasulwa abakozi oba abantu abakuwa ebyamaguzi (witholding tax/WHT)
Kino kye kika ky’omusolo ku nnyigiza ekisigazibwa omuntu awantu awamu (kayungirizi/agenti ateekeddwawo okusigaza omusolo) oluvannyuma lw’okusasula eri omuntu omulala (asasulibwa), ku mutemwa gwa bitundu 6% n’agusasula eri URA.
Weetegereze: Omusolo ogusigaziddwa gutolebwako ku musolo ogusasulwa ku nyingiza ey’enkomeredde ng’enyanjula ekoleddwa.
Nnyiga wano/Click here ku bikwata ku musolo ogugyibwa ku sente ezisasulwa abakozi oba abantu abakuwa ebyamaguzi (witholding tax/WHT).
Eno ennyanjula ekolebwa nga ennyanjula endala yonna ku musolo ku nnyingiza.
Nnyiga wano/Click here ku bikwata ku ngeri y’okuwaayo ennyanjula yo.
Oluvannyuma lw’okuwaayo enyanjula yo, wetaagibwa okusasula emisolo egiba givuddemu ng’okozesa ku ngeri zonna eziriwo okugeza banka, mobile money, VISA, EFT, RTGS, Mastercard, USSD code (*285#) n’ endala.
Weetegereze: Olunaku lw’olina okusasulirako omusolo lwe lumu n’olwokuwaayo enyanjula.
Nnyiga wano okuwandiisa ensasula.
Okuyambibwa okusingawo, kyalira wofiisi ya URA ekuli okumpi oba kuba ku ssimu etali yakusasulira 0800117000/0800217000 oba WhatsApp: 077214000
