OMUSHORO GW’OKWEMEREZ
Omushoro gw’okwemereza niguuha?
Omushoro gw’okwemereza (WHT) n’omuringo gw’omushoro gw’entaasya ogurikwemerezibwa omuntu omwe (ajenti w’okwemereza) aha kuheereza omuntu ondiijo (omushashuzi). Omushoro ogu nigusharwaho ahu gurikuruga kandi gukooherezibwa omu kitongore ky’omushoro ekya URA omu maisho g’omukozi w’okwemereza oyikiriziibwe.
Ebiragiro nibyoreka abantu abarikwetengwa kushorooza omushoro hamwe n’abantu abu bashemereire kushorooza. Eki nikirugiirira aha muringo n’embeera y’obushubuzi.
Omujwekyerwa w’okutwara omushoro n’oha?
Omujwekyerwa w’okutwara omushoro nainga Omuntu orikukora nk’omukozi w’omushoro, n’omuntu orikujunanizibwa omu biragiro okwemereza omushoro aha sente ezirikushashurwa.
Omushashuzi n’omuntu orikushashura omushoro aha sente ezirikumushashurwa.
Omuntu naabaasa kuba omuntu buntu, omukago, ekibiina ky’okwesiga, ekitongore, esente z’okuhuumuriraho, Gavumenti, ekicweka kya Gavumenti hamwe n’ekitongore ekirikworekwa.
