• Omutegesi w’ebivvulu avunaanyizibwa ku bulango ku leediyo, ttivvi, n’emikutu gy’empuliziganya emirala gyonna okukakasa nti abantu bafuna obubaka ku kivvulu ekiba kitegekeddwa. Akakasa nti tiketi z’ouyingira ekivvulu zitundibwa.
• Omutegesi w’ebivvulu akakasa nti buli nsimbi ezisasuddwa eri abo ababaako ne kye bakoze nti zirina obujulizi okugeza lissiiti ne e-invoice
• Aggya omusolo gwa Withholding tax kw’abo bonna abalina obuweereza bwe bamutuusaako ku bitundu 6 ku 100 (6%) bwe kiba ng’ensimbi ezo ziwera 1,000,000 n’okusingawo.
• Omutegesi w’ebivvulu akwatagana ne URA mu kukakasa lisiiti eziba zisasuddwa abayingira mu kivvulu ekyo.
• Afuna olukusa olumukkiriza okutegeka okuva mu bitongole bino wammanga:

1. KCCA oba munisipaali okukkirizibwa okutimba ebipande
2. Olukusa ku kukkirizibwa okufulumya amaloboozi agali wagguluko
3. Olukusa okuva ku poliisi ku by’okwerinda

Abategesi b’ebivvulu beetaaga okwewandiisa n’ebitongole bino wammanga:

• Uganda Revenue Authority (URA) ku lw’okwewandiisa ku musolo

Eri kkampuni, weetaaga okwewandiisa n’ekitongole kya Uganda Registration Services Bureau (URSB) okufuna erinnya lya bizinesi

Eri abantu ssekinnoomu

• Endagamuntu (National ID) oba ekimu ku biwandiiko bino; Driving permit, akakonge k’okulonda, endagamuntu y’ekyalo, ey’omulimu, sitatimenti ya bbanka n’ebirala.
• Satifikeeti ekakasa nti bizinesi yo yawandiisibwa
• Ekiwandiiko ekiraga okukkiriziganya okukola bizinesi eri abo abakolera awamu (partnership deed)

Eri kampuni

• Company Form 20
• Certificate of incorporation

Nyiga wano  okumanya ebisingawo ku byetaagisa okwewandiisa

• Kyalira ekibanja kya URA ku ura.go.ug
• Nyiga wano okwewandiisa ng’omuntu ssekinnoomu
• Nyiga wano okwewandiisa nga kkampuni

Ng’omuwi w’omusolo, olina eddembe lyo ku nsonga z’omusolo. Kyokka era olina obuvunaanyizibwa bw’oteekwa okutuukiriza.

• Nyiga wano okumanya eddembe lyo ng’omuwi w’omusolo.
• Nyiga wano okumanya obuvunaanyizibwa bwo ng’omuwi w’omusolo.

Omusolo gwa Withholding tax – guno gusasulwa omuteesiteesi w’ekivvulu bw’aba alina obuweereza bw’awa omuntu oba ekitongole kyonna. Mu mbeera eno aweebwa omusolo guno ateekeddwa okuba nga ajenti wa URA ku kukunngaanya omusolo guno (withholding agent) era ensimbi ezisasulwa ziteekeddwa okuba nga ziwera ensimbi 1,000,000 n’okusukkawo.

Omusolo gwa VAT – eri abo abafuna ennyingiza nga bagiggya mu kuteekateeka ebivvulu ng’esukka obukadde 150 buli mwaka, basuubirwa okukunngaanya omusolo ku buli lisiiti y’okuyingira ekivvulu eba etundiddwa ku bitundu 18 ku 100 (18%).

Omuteesiteesi w’ekivvulu yenna bw’afuna kkampuni essa ensimbi mu kivvulu, ateekeddwa okugikolera e-invoice ng’eno eriko omusolo gwa VAT ogusasulwa oyo aba atadde ensimbi mu kivvulu ekyo.

Ennyanjula oba litaani eno essibwamu nga litaani endala ez’omusolo ku nnyingiza.

Nyiga wano okumanya ebisingawo ku ngeri y’okussaamu ennyanjula oba litaani.

Oluvannyuma lw’okussaamu ennyanjula oba litaani, osasula omusolo oguba gulagiddwa mu litaani eyo ng’okozesa enkola ez’enjawulo okugeza bbanka, mobile money, VISA, EFT, RTGS, Mastercard, USSD code (*285#) n’enkola endala zonna.

Weetegereze: Nsalesale w’okussaamu ennyanjula oba litaani y’omu n’ow’okusasula omusolo.

Okumanya ebisingawo, kyalira woofiisi ya URA ekuli okumpi oba kuba ku ssimu etasasulirwa: 0800117000/0800217000 oba ku WhatsApp: 077214000