Mucoro pi Kampuni ma ocone ki Gamente

Man obedo mucoro ma kingolo ikom Kampuni onyo dul ma oribbe me timo biacara iwel me pacen 30% (Pyeradek).

Mucoro income Cente ma donyo ikicaa/jeba pa ngat moni-ni.

Man obedo mucoro ma kingolo iwi dano/ngat ma tiyo ikom rec kun kitiyo ki cura onyo wel ma rwate.

Dii kany pi nongo ngec mukene ikom cura ma kitiyo kwede me mucoro man.

Mucoro ma kingolo ki ikom mucara pa lutic (PAYE)

Man obedo mucoro ma lutim biacara ngolo ki iwi mucara pa lutic gi (Kadi bed-gi okwano onyo gitiyo lejeleje) ma nongo mucara gi ka kiribu weng kato alip miya aryo ki pyeradek wiye bic (235,000) dwe ki dwe.  Kit mucoro man rwod/won tic ngolo dwe ki dwe ma nongo pwod pe oculu lutic ci cwalo bot dul ma jogo mucoro (URA). 

Dii kany pi kit me tiyo cura me PAYE

Dano ma tiyo biacara me cato rec I Uganda kany omyerogi ocone bot: –

• Dul ma maloyo coyo kampuni I Uganda ma kilwongo ni Uganda Registration Services Bureau (URSB) ka imito cone macalo kampuni onyo ka imito coyo nying biacara ni keken.
• Bot dul ma jogo mucoro I Uganda kany ma kilwongo Uganda Revenue Authority (URA) pi mucoro

Niang ni:

• Ka ityeko cone bot dul mamalo ni, bi mite ni omyero ilub cik ma kwako dul macalo;
• Dul ma neno lok kom gwoko ngom ki jami ma iye (National Environment Management Authority (NEMA).
• Gang kal madit ma neno lok kom gwoko rec, cik ma kwako kom rec ki me neno ni tye irwom muporre matye ite dul pa Gamente me Pur, Gwoko Lee ki Rec ma ki lwongo ni Ministry of Agriculture, Animal Industry and Fisheries.
• Pi lumak rec ki lucat rec, lancic mamegwu pe kitwero medo ne kace pe wutye ki nama me culu mucoro ma kilwongo TIN.

Pi dano/ngat acel

• Adenti kad me lobo Uganda (National ID)
• Catifiket me cone (kace itiyo biacara).

Pi Kampuni

• Waraga ma nyutu nying dairekta onyo wegi Kampuni (Kampuni fom 20).
• Catifiket me cako kampuni

Dii kany pi ngec matut pi ngeyo gin ma omyero ibed kwede pi cone me tiyo biacara me cato rec.

• Omyero ilim ka nongo ngec madit me URA I www.ura.go.ug
• Dii kany me cone macalo ngat acel.
• Dii kany, kace ibi/imito cone macalo Kampuni

Dii kany pi ngeyo tweroni ki gin ma omyero itim macalo lacul mucoro

Gwok rekod weng ma kwako biacra ni.  Pire tek ki in me bedo ki rekod matye ki nino dwe wek iniang maber ripot mene ma rwate ki kare mene.  Man twero kwako/gwaro;

• Rekod ikom lim ma donyo I kicaa/jeba pa rwode.
• Recod me cato wil (recit/invoice)
• Cura manyutu kit ma lim odonyo kwede dok kit ma itiyo kwede.
• Rekod manyutu kit ma iculu kwede lutici ki warage ma icoyogi kwede itic.
• Gin manyutu kit ma ikelo kwede jami ki ilobo mawoko kace onongo ikelo jami ki woko.
• Rekod manyutu kit ma iketo kwede cente/lim dok kit ma ikwanyo itiyo kwede ki I Benki. (Bank statements).
• Kit ma iculu kwede cul calo mac, pii, cim ki cul mukene macalo magi.
• Kit ma igwoko kwede rekod ma iwilo ki rec dok kit ma icato kwede.
• Buk ma igwoko iye jami ni weng ma pigi tegu macalo ngom, odi ki mukene macalo magi.
• Lubanya ni (Jo ma tye ki banya-ni/deni) ki jo ma itye ki banya gi.
• Mok ma imoko ki jo/dul ma keli jami ki kit ma iculu gi kwede (Waraga mok me kelo jami ki culu pi gi).

• Gwok rekod ducu me cato wil I leb munu.
• Kace imito gwoko rekod I leb mukene, coo waraga me nongo twero ki bot Komicona me URA kun inyutu tyen lok ma oweko/omiyo imito tic ki leb mapat.
• Kace rekod onongo peke I leb munu, acara me nongo lagony leb bibedo megi me gonyo ne ileb munu kun nongo itiyo ki lagony leb ma komicona omiyo twero bote.
• Gwok rekod wek niang wel mucoro ma omyero I cul obed yot.
• Gwok rekod pi mwaki abic inge tum pa kare me culu mucoro moni-ni pi miyo ngec ikare ma anyim.
• Kace rekod mo mite pi lok mo ma ocake ma mwaka abic pwod pe otum, bi mite ni igwok rekod meno paka wang ma lok meno otum.
• Rekod ducu ma kigwoko omyero obed ki ngec ma opong ikom biacara dok bene omyero kigwok iyo ma kitwero kwanyo dok loko ne I yo ma niang iye bedo yot.

Pi ngec mukene, lim opici me URA moo keken ma cok kwedi, onyo goo nama cim ma pe kiculu pire 0800117000 onyo 0800217000 onyo kube kedwa i WhatsApp: nama 077214000