Biacara omyero ogwoki rekod ma kwako cato wil ducu. Pire tek tutwal me gwoko rekod matye ki nino dwe, man konyo me niang kit kodi rekod ango ma rwate ki kare mene.

Kodi rekod ma lacat wil omyero ogwoki kwako jami magi; Coc onyo citetment me lim ma donyo i kicaa mamegi (jami ma iwilo ki ma iculo), buk ma nyutu jami ma kelo cente ki ma kwanyo cente ki i kicaa onyo jaba mamegi, buk me culo lutic, yub me wilo jami ki ilobo mawoko, kontrak, citetment ma nyuto kit ma cente donyo kede dok ki kwanyo kede ki I bank, karatac onyo waraga me coyo lutic. Cente ma omyero icul (calo me mac alingtwi, pii, etc), rekod me jami matye iyi duka, buk ma nyutu jami ducu ma itiyo kede me cako biacara ki dong rekod mukene mapol ataa onyo waraga mogo ma pigi tego pi cato wil mamegi calo ricit, karatac me banya, jo matye ki banya mamegi ki jo ma in itye ki banya gi.

1. Rekod me lim adonyo icao: Gwok iyore kede yore wel lim du came biacara ni kelo iyi cao. Wel lim du came biacara kelo obedo lim du came oribu ame pwod pe ruu ikwanyo iye wel garama me cato wil kede cente me cwako biacara. Rekod me lim mamegi myero nyut nino dwe, wel kede kwen ame lim man oyaa iye. Coo oko piny lima me inwongo akadi obedo ni inwongo I leb me cente, jami onyo tic.

Cwak tee rekod me lim mamegi kede orijinol me papara du came nyutu cul (ricit), cente ame iculu pi kontrak, etc.

    2. Rekod me lima ame itiyo kede me gwoko biacara: mar gamo ricit onyo papara ame nyutu ni iwilo jami pi biacara mamegi. Ricit man myero nyut nino dwe me wilo wil, nying kede kabedo angat ame ocato onyo igamo jami ibote kede meg awil, kit kodi jami ame iwilo. Myero inen ni mano ngat acati jami man oco aber gin ame itye iwilo iyi ricit man. Ka coc atut (aber) pe iyi ricit man, yin dong coyi ikomi ngo ame jami man obedo iyi iricit onyo iyi buk ame icoyo iye jami ame itiyo kede me gwoko biacara.

NB: Ikare okene, joo ame cato jami pe maro miyo ricit. Ka otimere kit man, coo ngec man ping acalo rekod. Nyut nying kade kabedo angat ame ocati jami man, nino dwe ame iculu iye, wel cfente ame iculu kede dong ngec okene atut akwako wil man.

• Omyero igwok ma olil kore ki kore rekod me cat ki wil ducu ka otime. Man weko tic bedo mayot dok bene weko koo tic bedo ma olil dok bene gengo weko jami mogo woko macalo adwogi me wil wic malube ki kare malac ma okato.
• Gwok rekod me lim ma donyo i kicaa mamegi nino ki nino ki lim ma itiyo kede (ma okato woko ki i kicaa mamegi) nino ki nino. URA pe mini kit buk me rekod mo dok bene pe waci kit kodi buk onyo dul buk ma omyero igwokgi. Tye wit buke me rekod mapatpat ki kit kwaye yoo mapol me gwoko buk rekod. Labole itwero tic ki buk ma kicero iye mapatpat onyo ma pote tye patpat me coyo lim ma donyo i kicaa mamegi ki lim ma itiyo kede(ma okato woko ki i kicaa mamegi)
• Gwok rekod mamegi kacel ki ricit me cul i bank, Waraga ma nyutu kit me keto ki kwanyo cente onyo bank citetmen, ki chek me cul makikwero woko. Gwok rekod mapatpat pi biacara acel acel ma itimogi. Ka imito gwoko rekod mamegi i kompiuta, omyero inen ni ginen maber dok bene kwanogi yot.

NB: Kape igwoko ngec mapigi tego me agwoka dok bene ipeke ki gin mo ma itwero nyutune, URA omyero dong gunong wel lim madonyo I kicaa mamegi kun tiyo ki yoo mukene. Watwero bene dwoko wel lim ma okato woko ki i kicaa mamegi ma in onongo dong ityeko kwanyone wokoni.

• Gwoko rekod maber obipoyo wii ikom lim ma okato woko ki boti ma itwero kwanyone me nongo wel ritan me mucoro ma giculu mwaka ki mwaka.
• Ka inongo lim i kabedo mapatpat, gwoko rekod maber konyi me ngeyo kodi lim mani ma oaa ki kwene. Kape igwoko rekod maber, bedo tek tutwal pi in me ngeyo ni limi mogo pe aa ki i biacara mamegi dok ni omyero pe kingol mucoro ikome.
• Rekod ma igwoko maber mini ngec matut ikom kit ma biacara ni otime kede ikare ma okato angec ki kit ma tye katime kede ikareni
• Rekod ma igwoko maber konyi me goyo bajet pi biacara mamegi dok bene konyi me gamo lim adena ki i bank ki bot jo mukene magimiyo lim adena bot lucat wil
• Rekod ma igwoko maber gengi poto ipeko ka dul ma rayo mucoro I Uganda (URA) okwedo ko ritan me mucoro mamegi.

Dul 4 me buk cik ma kwako culu mucoro i Uganda (Income Tax Act Cap 340) moko tektek jami mogo ma ngat mo keken ma tiyo biacara omyero otim. Piny kany tye kamogo icik man ma tucu kamaleng jami magi.

1. Nikwanyo ka ladit ma loyo dul ma rayo mucoro i Uganda onyo komicona omoko, lacul mucoro omyero ogwok i Uganda rekod ducu mamite me tito matut ngec weng ma tye i ritan onyo i karatac mo keken ma giyubu malube ki cekcon 92 onyo me konyo nongo wel mucoro kikome ma lacul mucoro omyero ocul.
2. Ladit ma loyo dul ma rayo mucoro i Uganda onyo komicona room kwero woko kwac me dwoko wel mucoro kace lacul mucoro pe twero, labongo kit yoo mo keken, nyutu ricit onyo rekod mukene manyutu cat ki wil ma otime onyo me kelo lanyut ma konyo kore.

LOK MAPIRE TEK

Ngec man tye mere me nyutu lucul mucoro gin me atima dok pe ikare mo keken itii kede me kaka kom cik kikome, dok bene kitwero loko ne malube ki alokaloka ma time ikom cik me culu mucoro i Uganda kacel ki cik mukene ma kwako loc ikom culu mucoro i Uganada.