1. CAT MA KI NGOLO IYE MUCORO

Man obedo jami acata weny ma lacul mucoro yubu ki i Uganda ki tic cing mo keken ma gamente me Uganda omoko ni ki cul iye mucoro me VAT ka tic meno kitimo. ‘cato wil ma ki ngolo iye mucoro’ ki romo nyayo ‘jero’ nyo ‘apa wi ye aboro’

Man tyen loki cat man ki ngolo iye mucoro dak bene lacat wil man ki cule cul ma rwate ki ko cate.

a. Chat ma culu mucoro. Obedo cato wil ma ki ngolo mucoro me VAT ki pacen 18%. Man kwako cato wil weny ma pat ki cato wil ma ki coyo i pen cik me aryo ki adek ma doro mucoro me VAT labol pa jami ma kiculu iye mucoro me VAT

• Cato lonyo me biacara (macalo jami tic, gi bedo ki meca, motoka latim biacara)
• Miyo jami woko me apanga;
• Jami me acata ma rwod biacara nyo dano ma i gang e otiyo kwede labongo kit cul mo keken
• Kamicon mo keken ma inongo pi cato cat pa ngat mo keken.
• Cat mo keken ma i cato bot lutic ma megi onyo wati mamegi i wel mayot nyo menono
• Cat mo keken ma macin/nyonyo macato wil ocato;

b. Cato wil ma ki ngolo mucoro ki jero pacen: man obedo cat ma ki tiyo ki 0% pecen me ngolo mucoro me VAT. Jami man weny nonge ite cedul me angwen pa dul cik me VAT; ikine tye jami weny me acata i lobo olaya, yen/yati weny me konyo lok me yoto kom ma ki yubu ki ilobo me Uganda, ki bene kodi cam weny ma ki puru ci ki rego doko moko ki i cuma ma tye i uganda.

2. CATO WIL MA PE CULU MUCORO

Man obedo tic cing ki jami ma pe ki nyayo mucoro me VAT iye. kodi cat man ducu kicoyo gi ping i cedul me aryo pa pen cik me VAT, labole ikine tye;

• Cato le ma kwo, cam ma pe ki yubu kume ki cato cam ma ki puru ki ipoto
• Tic pa kampuni ma kwonge me miyo kony me lim ka peko me yoto kom omaki
• Miyo pwony ki kwan bot dano
• Tic ma lube ki tingo dano ki giwot i gudi.

Nge ni: Pe opore it ngat ma tye i cato wil ma pe culu mucoro me VAT ka cone me culu mucoro me VAT ento ngat ma cato wil e tye ite dul ma ki ngolo mucoro me VAT ki pacen me jero nyo apa wi e aboro, mito owot ka cone ka kare me cone ne oromo.

3. CUL MA KI CULU BOT LACAT WIL

Man obedo lim ma ki culu bot lacat wil, cul romo bedo cente nyo pwoc i yoo ma pat ma en yer ni ki cule kwede, ki romo ngweko i cul, nyo bene ki romo cul la wang acel pi tic ma en otimo nyo jami ma en ocato.

 4. DANO

Dano romo bedo ngat mo keken pire kene, dul ma ki ribe ariba iye, kampuni, gamente, jang gamente mo keken.

5. NGAT MA ROMO CULU MUCORO

Lacul mucoro obedo ngat ma ocone me culu mucoro me VAT, onyo ngat ma pwod pe ocone ento mite ni ocone me culu mucoro me VAT.

6. MUCORO MA LATIM BIACARA CULU I KARE ME WILO WIL MEGE

Man obedo mucoro me VAT ma lacat wil culu onyo mito ocul ikara ma en tye ka wilo wil nyo tye ka kelo te ki i lobo ma woko ma no cik cimo ni ki cul mucoro me VAT iwiye. Labole tye ni ka ngat ma yubu pi amata me acata, owilo cupa lapik pii ne, mucoro me VAT ma en culu i wi cupa pi ma owilo ki lwongo ni ‘input VAT’

7. MUCORO MA LACAT WIL JOGO KI I WII CATE

Man obedo VAT ma kingolo i wii lawil ikare me cato wil. ka lacat ma ocone me culu VAT, en obi nyao VAT i wi cate weny ma culu VAT, man ki lwongo ni mucoro i wii lawil.

8. VAT ME ACULA nyo APIDA

Ka VAT ma ingolo i wii lawil dwong loyo VAT ma iculu ikare me wil, (VAT iwi lacat), apokapoka matye iye en aye mucoro ma ki culu bot URA macalo VAT. Ento ka ‘input VAT’ pa lacatwil dak dwong loyo ‘output VAT’, ci apokapoka ma tye ni en aye VAT ma mito in i pid ki bot URA wek gi odwak cen boti. Ka VAT ma iculu dit loyo VAT ma ijojo, iromo penyo ki bot URA wek ki dwak cen boti ka inen wel lim meno kato ciling million 10, onyo romo gwoko ne bedo bot URA kuru cul me mucoro mo keken pi kare me anyim.

9. YOO KIT MA KI JOGO KWEDE MUCORO ME VAT

VAT ki jogo i ko yoo i kare ki kare ma no cato wil tye ka time, ikare me yubu jami me acata ki bene kare ma no ki tye kapoko jami meno ikin lutim biacara kama patipati. Ka i kelo jami ki i lobo ma woko nyo iyubu ki kany,i culu VAT pi jami ma otiyo kwede me yubu jami ne. en dak kuru nyao VAT ka ocato cat bot lutim biacara ma gi cato cat irwom madit bot lucat matino tino macalo awaro. Apoka poka ikin VAT ma en oculu ki VAT ma en onyao ikare me cat en aye ki culu bot URA. Man mede naka naka wang ma jami meno oo bot lawil me agiki ma obi tiyo ki jami meno. Man tyen loki ngat me agiki ma pe obi cato ento obi tiyo ki jami meno en aye ma culu mucoro me VAT meno.

Anga ma mito ocone me culu VAT? 

1. Ngat mo keken ma tye ka timo biacara onyo tye ka mito donyo i biacara, omito ocak ki cone me culu VAT, ka ce inen cato wil e inge tum dwe adek kato shs. 37.5 milion nyo inge dwe apa wi aryo, cato wil gi kato shs. 150m. cat man romo bedo cat ma ki ngolo iye mucoro me VAT ki pacen me jero onyo apa wi aboro.

Ngat matye anwyali me lobo man, dulmatino onyo madongo, dul pa lwakonyo dul mo keken ma timo biacara onyo tye ki tam me timo biacara omyero openy pi cone pi mucoro ma kingolo ikom rwom makimedo ikom gin acata labongo paro pi cente adii ma en obinongo

Cone pi VAT romo bedo i miti mamegi nyo bene romo bedo ite ik

• Cone ite cik

Ka inge dwe cato wil mamegi okato Shs. 37.5 milion, omito iwot kacone me culu VAT labongo kit gale mo keken onyo, ka itye ki gen me tiyo cente ma kato shs.37.5 milion inge dwe adek. Kace ikine me dwe adek ma okato, latim biacara onongo cente ma cik ye ni oomyero kingol mucoro ikome kun well meno labongo mucoro ma kingolo ikom rwom ma kimedo ikom gin acata (VAT)  kato cente milliom 37.5, ngat meno omyero ocone pi VAT cut.

• Cone i miti pa lacul mucoro

Ngat ma kero me cato wile pe kato shs. 37.5 milion i nge dwe adek adek weny onyo dwe 12 romo cone me culu mucoro me VAT i mitine pire kene. Ngat meno mito nyut bot URA gang tic mamege dak bene ni e twero gwoko rekod me biacara ne i yoo ma opore.

Rwod tic ma loyo wi lutic ma jogo mucoro bi coyo ngat ma openyo ni ki coye pire kene ka o miyo bote waraga ma nyuti ni icone ki TIN bene ni kwanyo ka gwok

1. Rwod tic man ma loyo wi lujog mucoro pe tye ki gen ka ngat meno tye kwede gang tic ma en timo iye biacara, nyo
2. Ka rwod tic man tye ki tyen lok ma weko en bedo ki akala kala ka ngat meno:

• Bi gwoko buk rekod me cato wil ki biacara.
• Bi yalo bote ngec kit ma biacara tye ka wot kwede i retan ma mege I tum dwe ducu.
• Tye ma wiye twolo dak tiyo maber ma ki romo coye.

Ma lube ki kit ma doro tic woto kwede, rwod tic ma loyo wi lujog mucoro bene romo ka gengi cone ka ibedo ngat ma:

• Peke ki kica i gang tic magwoko lim pa lwak.
• Ono kicoyo en con pi VAT ento oturu cik malube ki en macalo lacul mucoro me VAT

NB: ka ngat ma ki kwero coye me VAT, ki bi miyo bote tyen lok ma oweko ki kwero coye me culu VAT

Kama inen cato wil otime ento wel tye ki lanywen iye, tii ki wel ma lwak tiyo kwede me cato wil meno i cuk pa lwak i kara ma cat meno otime kwede; labole kama lanywen maro time iye en tye ka moko wel i kom jami calo mic ma i nongo, jami ma ki lojo aloja,jami ma lacat aye ma otiyo kwede.

Inge cone, ngat acel acel mito oneni i lubu cik me;

• Ngolo ki jogo mucoro me VAT i wii cato wil weny kun no itiyo ki waraga ma cik yer ni ki ti kwede me coyo ngo ma icato ki wel ma icato cat iye.
• Cone me cako tic ki ‘komputa me EFRIS wek i bed ki kero me coyo rekod me cat meno I waraga ma cik yer ni ki ti kwede.
• Cwal ‘retan’ me VAT ma pwod pe a nino dwe 15 me dwe manyen okato. EFRIS konyi ka pongo rekod manyutu kit ma cato wil mamegi owoto kwede wek in inen ma pwod pe icwalo anyim ka icwako ni tye kakare.
• Cul mucoro me VAT ma ki ngolo ma pe a nino 15 okato i nge tum dwe weny. Kombedi karatac me cul kato pire kene ka ityeko pongo ‘retan’
• Gwok rekod maber.

EFRIS obedo yoo manyen ma biacara tiyo kwede me yubu ricit me cat ki wil i yub ma lamal ma konyo neno kit ma jami acata tye ka wot kwede pi wang cawa meno, ma cat tye ka time kwede. Pire tek ni lucul mucoro weny ma gi ocone me culu VAT mi bedo ka tic ki EFRIS ka gi tye ka yubu ricit pa luwil mamegi. Pire tek bene it gi me wilo wil ki bot jo ma ocone wek gi nong ricit me EFRIS pi jami ma culu VAT ma gin gi owilo, ento jo ma pud pe gi ocone me culu VAT bene gi romo tic ki EFRIS i miti gi me nywaro ricit pa luwil mamegi.

Mucoro me VAT ki nyayo cura ne ki pacen me 18% onyo 0% ikare ducu ma jami tye kawot kwede ki kama ki yubu ki iye/ naka wabot lucat wil mukene ikom tic cing ma gi timo nyo jami ma kicato bot luwil. Ngat mo keken ma ocone me culu VAT tye ki twero me penyo pi VAT mo keken ma en oculu ma kato wel VAT ma en onongo ki bot luwil mamege.

EFRIS obedo cictim me komputa ma konyo ka lubu ko mucoro man me neno kit ma kitye ka culu kwede mucoro man. Man knyo weko mucoro ma ito kidwak cen boti ki dwako cen boti, pa gamente bene ki culu bo URA, kit ma ki poro kwede piny:

• I labol ma malo ni, ka lacat wil mito wilo wil i wel me 1,000/=, en obi medo 180/= me VAT iwiye. Pi man, wel wil loke doko 1,180/=. Kombedi no dong mucoro ma en romo pido me VAT ma en oculu en aye 180/=.
• Ka lawil otiyo ki EFRIS ikare me cato wil meno I wel me, 1,500/=; en bi ngolo mucoro me VAT kun no tiyo ki pacen 18% i wii lawil, mucoro man bedo 270/=
• Manyuti ni mucoro ma ki culu ikom cat meno nonge ka kikwanyo mucoro ma ki culu ikare me wilo wil meno ki ikom wel mucoro ma ki ngolo I wi lawil ikare me cato wil meno. Man aye kit ma wa ngolo kwede ki mucoro I wel me 270/= – 180/=.
• Biacara meno mito ocul bot URA ciling 90/=
• Adwogi me cura man romo bedo banya ma mito URA gi ocul bot latim biacara onyo mucoro ma mito latim biacara ocul bot URA.

Ka lacat wil tye ka tic ki EFRIS, cura ma malo ni pe ka yelo wii pyen nyane pire kene ikare ma no itye ka yube ‘retan’ me acwala bot URA inge tum dwe, lacat wil tye ki acara me neno anena ka cura meno tye kakare dak en i cwako ma pwod pe a kityeko cwalo ne bot URA.

EFRIS konyo ka:

• neno kit ma jami me acata ne tye ka wot kwede, ngeyo weko pe ki kwale I dog biacara, dak bene neno kit ma biacara ne tye ka wot kwede pi wan cawa mo keken, man dwako wel ciling ma mito oti kwede me doro dog biacara.
• gwoko rekod me biacara wek obed ma rwate ki kit ma lim tye ka donyo kwede I biacara dak no rwate ki kit ma ki tye ka tic kwede ki lim ka kare me culu mucoro oromo.
• Lubo ko lim ma otwene bot URA ma cik cimo ni omito ki dwak bt latim biacara, gonyo lim man time piwang cawa ma cek ka itye con ka tic ki EFRIS.
• moko wel mucoro ma rwate dak pore ki kit ma biacara tye kawot kwede.
• Nongo retan ma bino no dong kityeko pongo ne o, man konyo weko pe ki ngolo pwod I wi latim biacara pi gale ki pongo retan man.
• Neno ni pe irwenyo buk me lagwok rekod me cato wil, pyen rekod man ki gwoko bedo I komputa.

Kwena man ki cwalo pi tyen lok acel keken me konyi wek ibed ki ngec pi in macalo lacul mucoro wa. Nge ni pe iromo tic kwede macalo lageng ngeyi ka itye ka keme ki cik pa gamente mo keken dak bene romo loke cawa mo keken ka bene gamente oloko cik ma doro lok me mucoro.