Eiduka lo ikee nges eduka lo edit lo itwegeli ikee ne ejaasi itunga lu elosenenete anu adumun amukian arai agwel ikee obongorete. Eraasi kesi lu edisiak lu ecamakitai bon agwelanar ikee lu atukot ana ebe C (Class C category of drugs). Eraasi lu ikee lu mam epatana ayaun ationis adio ido epedoro do egwelet kesi oidukai angun arai da mam emuron ijaaikit aiwadikaet.

Koany ebe: Ekoto do eduka lo egwelanari ikee ojaai aojau na mam adeperi amairo adope (1.5km) ageun ane ejaai eduka lo apolon lo egwelanari ikee (pharmacy).

Aisubusaeta keere nu ejaasi orionget lo angaleu o Uganda ekoto eiwadikaun keda;

• Erionget lo aiwadik aisubusaeta anu adumun ekiror lo aisubus (Ugand Registration Services Bureau (URSB) for business name)
• Erionget lo esolo, anu esolo (Uganda Revenue Authority (URA) for taxes)

Koany ebe

Edaun itunganan eiwadikaun, ebeit do ngesi arimarit nu ekotosi apugasi nu ikamunitos nu angaleu keere, kwape nat;

• Erionget lo ipugat nu ikee oUganda (National Drug Authority -NDA)
• Erionget lo epoloikit anasain ka nu esidook angor oUganda anu adumun alasisi (Uganda Nurses and Midwives Council (UNC) for license)
• Erionet lo etukokinit lu emukiak ka lu ikel anu adumun alasisi (Uganda Medical and Dental Practitioners Council (UMDPC) for license)
• Alasisi na aisubus (Trading license)

Anu itunganan (For individual)

• Akadi na akwap na ajenar (National ID) arai adio adope kotoma apapulai nu itosomao ajenitor itunganan kwape nat nat apapula na alosit akwapin (passport), alasisi na airenge emotoka (driving permit), akadi na aise (voter’s card), akadi na ajenuno na ecalo (Village ID), akadi na aswam (Employment ID), akadi na ejenere ikerai (Refugee ID), apapulai nu itodunitos epone lo itosomaere ikapun aingadet (Bank statement), alasisi na aswam (work permit), acadi na itodunit epone lo ejaar eisau kon lo apiyai (financial card), akadi na ikapun kon (VISA), akadi na erionget alo aingad ikapun lu aiyengun aswam (NSSF), ka ace.
• Akadi na eiwadikaun (Certificate of registration) (arai ijai ijo aisubus)
• Apapula na itodunit ikulepek ka na acamanar kwape iupak (Statement of particulars and partnership deeds (in case of a partnership))

Anu ikampunin (for non-individual)

• Afomu na ekampuni 20 (Company Form 20)
• Apapula na aiwadikaun (Certificate of incorporation)

• Ekotokin ijo aipejoikin elago lo URA aneta ura.go.ug
• Kicikak ne kanu eiwadikaun kwape itunganan (individual)

• Kicikak neanu ajenun apedorosio kon kwape atacan esolo
• Kicikak neanu ajenun nu ebeit ijo aswam kwape atacan esolo

Epone lo imarere esolo lo ameda na eduka alo egwelanari ikee (Computation of Income tax for a drug shop)

Erai lo esolo lo etaci esubusi lo egwelununei isirigin lu edeparete imilionin itomon (Ugx 10,000,000) lu oUganda konye omam edepari imilionin akwatat akais akany (Ugx. 150,000,000) okaru. Ekoto do aisubus na ogwelununei ikapun lu edolete ilukumin akwat akany auni (Ugx 830,000) angon elap.

Kokwap ane, ejaasi itiaisinei lu itatacio (Below are the rates that apply).

 Koany ebe (Please note)

1. Esolo lo etacit atacan esolo lo epwakuno apwakun (presumptive taxpayer) erai lo awasia (final tax) anu ameda na alo atacan esolo ngon 
2. Mam ecamakino atiakar idio kapun anu igaraman arai atwaniar na etakanuni kotoma apak na agwelanar. 
3. Mam esolo lo etiakanaro etacio aisubus ngin (no tax credits) einakino anu eitidisiar esolo lo ebeit aitac engetakin ekaru lo aisubus.
4. Arai ileleb ijo apapulai nu esolo ikapun lu egweluna lu edeparete imilionin itomon, ijerun do apapula na aiwadik aitac esolo (payment registration slip) ido imoriai do na kwape ailelebio na apapulai anu esolo.

Esolo lo ameda (Income tax)

Esolo lo ameda na ekampuni (Corporation tax). 

Erai lo esolo lo itatacio ikampunin ido erai lo edaunitai aitutub oitiai lo akais auni angun kwatat (30%) lu ameda na edumun.

Esolo lo eropit alo iswamak (Pay As You Earn (PAYE))

Idio itunganan keere yen ejaatatar aisubus na agwelanar ikee ido ojaatatar eswamak lu enyamete eropit lo ikapun alu edepaarete ilukumin akwat aarei akais auni ikany lu o Uganda (UGX 235,000) ibusakinit eiwadikaun anu esolo lo eropit alo eswamak (PAYE) tetere do ngesi atiakanar eropit lo angon eswaman angon elap kosodi atacakin URA anu esolo.

Kicikak ne  Anu itiyaisinei lu esolo alo eropit

Esolo lo etiakanaro eroko etaca (Withholding tax (WHT))

Esolo lo etiakaro etacio nges epone lo esolo alo ameda (income tax) lo etiakari ekagwoikiniton URA (Withholding Agent) okapun alu etacio agwelanaran ikee. Etiakaro do esolo ngon kotoma apak na aitac lo etacio/agwelaran (payee). Egwel agwelaran ikee iboro lu eitiai lo edepari emilionit ediope lu o Uganda (UGX. 1,000,000) etiakari do yen etaci iboro ngun esolo lo ikany ape angun kwatat (6%) ido osodi eijukar ne ejai URA bon bon ebe eraasi iboro ngun lu itatacio esolo.

Kicikak ne anu ajenun nu ipu nu ikamunitos esolo lo etiakanaro (WHT)

Kicikak ne anu ajenun nu ipu anu ikamunitos eileleb apapulai kon.

Idau ijo aileleb apapulai kon nu esolo, ekotoi do ijo eitosom iponesio lu ejaasi anu aitac esolo kon. Kwape nat obank, isirigin lu osimu, akadi na isirigin na ebakai ebe VISA, eitosom iponesio ice lu ijukere ikapun kwape nat EFT, RTGS, Mastercard, USSD Code (*285#), ka ice da.

Kicikak ne Anu adumun eiwadik anu aitac (register a payment)

Anu adumun ace nu ipu, ipejok eyapesi lo URA lo iyapiatar ijo anu adumun agangat arai inom esimu abure (toll-free) enambai alu 0800117000/0800217000 arai ijuk akiro nu olago alo aimor akiro okwam (WhatsApp): 077214000