Omusoro ogw’entahya habwa Kampuni

Omusoro gunu nigutekebwa hali ebitebe na kampuni hamuhendo gumu ogubalirwe ha bicweka 30 buli 100 (30%).

Omusoro ogwentahya hali omuntu owabulikiro

Gunu gutekwa habantu boona abali mumulimo gunu obu nigusigikira mwidara ery’omuntu harukugwa mu ntahya ye.

Miga hanu ha birukukwata hambalirra y’omusoro ogw’entahya ey’omuntu.

Omusoro ogwa bakozi abarukutunga omusaara (PAYE)

Omusoro gunu nigusasurwa abakozi (ab’omwezi rundi leijaleija) abarukutunga omusaara gwona hamu ogurukukira ha muhendo ogwa Shs.235,000 buli mwezi. Gunu omusoro gukwatirwayo buli mwezi.

Miga hanu habw’embalirra y’omusoro ogwa PAYE

Abasubuzi boona abali mu mulimo gw’encu mu Uganda nibasabwa kwehandikisa n’ebitongole binu;

• Ekitongole ekya Uganda Registration Services Bureau (URSB) habwa kampuni rundi kuhandikisa ibara ly’obusubuzi
• Ekitongole ekya Uganda Revenue Authority (URA) habw’emisoro

 Manya kinu:

Hanyuma y’okwehandikisa, omuntu aina kuhikiriza nebi ebitekerweho ebitongole ebiroho mumateka nka;

• Ekitongole ekya National Environment Management Authority (NEMA)
• Ekitongole ekikukwasa amateka hamu nomutindo ogw’encu hansi ya Minisiture ey’obulimi,obulisa hamu n’encu
• Abasohi n’abasubuzi b’encu, ebaruha eya laisinsi terukwija kwongezebwayo rundi buli oine enamba yomuhi y’omusoro(TIN)

Ha muntu owabulikiro

• Endanga muntu
• Ebaruha ey’okuhandikisa obusubuzi bwawe

Hali ebitebe rundi kampuni

• Empapura za Kampuni Fomu 20
• Ebaruha ey’okugumya bizinesi yawe

Miga hanu habirukukwata hakwehandikisa obusubuzi bwawe obw’encu

• Nosabwa kubungira ekibanja ekya URA hali ura.go.ug
• Miga hanu kwehandikisa nk’omuntu owa buli kiro
• Miga hanu kwehandikisa nkekitebe rundi kampuni

Miga hanu hali ebi ebirukukwata ha bugabe n’obujunanizibwa bw’omuhi w’omusoro

Noyetaga kwahura ebihandiko byawe bwona ebirukukwata hali obusubuzi bwawe. Kikuru muno kuba n’ebihandiko ebiroho ebiro by’okwezi nukwo omanye ebihandiko nibigwa mu bwireki. Ebihandiko ebyokwahura halimu binu;

• Ebirukwoleka entahya
• Ebirukwoleka ebitunzirwe hamu nebw’orukubanja.
• Ekihandiko ekirukwoleka ebwobugaiga hamu n’amabanja
• Orukarra rwokusasurraho abakozi nama baruha gokuhandika abakozi
• Ekihandiko ekirukwoleka ebintu ebitahizibwe mw’ihanga
• Sitatimenti za banka
• Ebihandiko ebirukubanja (katugambe ebikozesebwa)
• Ebihandiko bw’encu musitoka
• Ebihandiko ebirukwoleka ebyobugaiga
• Aborukubanja naabo abarukubangibwa
• Endagano zabarukukuha ebintu neebyo ebirukwoleka kusasura

• Yahura ebihandiko ebirukukwata ha busubuzi ebihikire murulimi orujungu.
• Obworaba noyenda kwahura ebihandiko mu rulimi orundi rundi sente ez’ihanga erindi, handika nosaba Kamisona kukuha orusa noyoleka ensongasaba.
• Nambere ebihandiko biri murulimi orutali rujungu, noija kusabwa kusasura sente z’omuhinduzi rwikirizibwe Kamisona kubiteka murulimi omurujungu.
• Yahura ebihandiko mu mulingo ogurukurahuka kwoleka omusoro ogwoina kusasura
• Yahura ebihandiko kumara emyaka etano hanyuma yomwaka kuhwaho habwokweyambisibwa mubwire obwomumaiso.
• Obu haraba haroho obwetago bw’ebihandiko habwokuseruliza okubaireho emyaka etaano etakahoireho, noija kusabwa kwahura ebihandiko binu paka kuseruliza kuhoireho.
• Ebihandiko ebyahwirwe bina kuba nibimara habw’ensonga y’omusoro kandi byahwirwe mulingo ogurukusoborwa kusomwa kandi kutekwa mu mulingo ogurukwetagisa nokwetegerezebwa.

Habwo kwongera kumanya okurukukiraho, bungira ofisi eya URA enyakuli haihi naiwe oyambibwe rundi kozesa esimu zaitu ezitakusasulirwa 0800117000/0800217000 rundi WhatsApp: 077214000