KELO JAMI ALI ALI ILOBO MA PE ICULU MUCORO PIGI KI ADWOGI NE

Kelo jami ali ali I lobo/labongo cul te loke ni kelo, cwalo/tero ilobo ma woko, onyo cwalo woko kun wok ki inam, onyo ngat ma kwanyo kelo onyo tero/cwalo jami woko ki I Uganda ki tam me weyo/weno cul me Kactom onyo me weno/weyo cik ma gengo kelo jami labongo cul ilobo, juk mogo, cik ma tye, onyo geng mogo.  Kelo jami ma pe iculu pigi obedo turu cik ka itiyo biacara, dok dano ma kitimo tim man obedo luworo ma mito nongo lonyo, dano ma kwiya piny/pe ngeyo adwogi me tim man ki bedo ma pe iparo pi lobo ni.

Add to Bookmarks
Please login to bookmark Close

Kelo jami ilobo labongo cul pigi time iyoo mapol macalo magi: –

  1. Weno kato ki I wang lobo kama Opici me kactom tye iye kun kitiyo ki kama cik pe yee ni ki kel jami okat ki iye.
  2. Tucu pi jami manok; tucu pi jami manok ma pe rwatte ki jami ma ki kelo ilobo ki tam me culu mucoro matidi pigi.
  3. Tucu/tyero wel manok pi jami ma ki kelo ilobo, man time ma nongo ki miyo wel manok/matidi ikom jami ma ki kelo ilobo ma pe pore ki wel ma omyero ki cul pi jami magi kikome.
  4. Tucu/tyero jami ma pe rwatte ki rwom pa jami meno; tucu rwom mapat ki rwom jami ma ki kelo ilobo ki tam ni jami magi okel wel manok ma nongo lacul mucoro culu.
  5. Tucu ni jami oa ki ilobo mukene ma pat ki ilobo ma jami ki kelo ki iye; labole, pol kare, ngat moo twero tucu/tyero ni jami oa ki ilobe me COMESA (Common Market for East and Southern Africa) wek pe ki ngol wel mucoro madwong pien lobo ma tye ikin lobe me COMESA wel tariff gi tye lapiny maloyo lobo ma pe tye I COMESA.
  6. Kano jami wek pe ki nong.

 

 

  1. Jami ma ki kelo labongo cul/ali ali ilobo pol kare balo wel cato wil pien kicato gi iwel ma yot maloyo jami ma ki kelo me acata ma nongo odonyo ilobo iyo maber. Man weko lucat wil pe bedo ki kare me pyem cato wil pien dano ma okelo jami labongo cul/ali ali ilobo nongo wel ne tye ma opoto.
  2. Kelo rwenyo tic malube ki bale/tur pa luyub jami ki itedero, rwenyo mucoro bot Gamente ma weko yubu jami macalo gudu, ot yat, ka pwony/kwan ki mukene macalo magi pe matek onyo pe.
  3. Kuku kuku twero nyaa/mede tutwale kace jami ma pe omyero ki kel ilobo macalo muduku/onyo jami lweny ki kelo labongo cul/ali ali ilobo

Cik ite dul me Afrika ma tung kunyango (The East African Community Customs Act – EACCMA, nyutu ni kelo jami ilobo labongo cul/ali ali obedo bal dok pwod bene tye iye. Bal mogo me kelo jami ilobo labongo cul/ali ali ki pwod ma nongo iye: –

 

SN

Offense – BAL

Penalty – PWOD

1.

Kit dege onyo yeya (meli) mutoka, pigi pigi, lela ma kicoro acora ma kitiyo kwede me kelo jami labongo cul/ali ali ilobo

·     Pi jami ma tan ne pe kato 250, pwod ne bedo Dollar 7,000 (USD) dok mutoka ne bene rwode dong pe nongo.

·     Pi jami ma tan ne kato 250, pwod ne tye Dollar me America 10,000 (USD) dok mutoka ne rwode dong pe nongo.

2.

Ngat ma tye ki twero ikom Mutoka tiyo kwede me kelo jami ilobo labongo cul/ali ali.

Culu pwod ma pe kato dola me America 5,000 (USD) dok mutoka ki jami ma tye iye weng pe ki dwoko bote.

3.

 

Ka kot ongolo pwod ikome ki twero tweyo ne pi mwaki ma pe kato 5 (abic) onyo cul marom ki 50% (pacen pyerabic) ikom wel mucoro ma onongo ocul onyo pwod aryo weng.

4.

 

 

NIANG NI:

 

Omyero I dot ngat ma okelo jami labongo cul/ali ali ilobo bot URA I cim 032344205 onyo email cim@ura.go.ug.  Ngat ma omiyo ngec ma weko kinongo mucoro ma onongo orwenyo tye ki gum me nongo pwoc me 5% (pacen abic) ki ikom mucoro ma ki nongo/jogo kun aa ki ngec ma en omiyo.

 

NGEC

Ngec man tye me konyo lwak (lucul mucoro) dok twero loke kace cik moo keken madoro culu mucoro oloke.

Add to Bookmarks (0)
Please login to bookmark Close
Skip to content