SIMAGULING AZINI ERI MA ONZI
Simaguling ma efi, afa ejizu, jizu kaniku eduzu miri amboruri matiasi, kaniku afa ojizu Uganda ma alia kaniku amve asisile le zu aramu nyazu musoro madria kaniku azita musoro ni ri truzu borda ma milia.
Simaguling eri geriko ondiru ‘ba ni tojari yezu azini eri tutunisi ‘ba anyamboloru di iki yeni lonyi esuzu, aniako erima onzi ni kaniku leta ako suru amani di ni.
Simaguling ma esele
Simaguling ni i ye geriko ndu ndu si:-
- Geriko ‘ba ni customs ma borda otruzu, nzila goni goni ru di ayuzu i.
- Geriko ‘bani mali e’dazu wereru. da, mali ma kalafe e’dazu wereru lezu ani musoro ofezu were ‘be ni.
- Mali ma ombo omvizu. mali ma ombo omvizu musoro were ofezu be ni.
- Mali ma esele awazu onzi. ‘ba mali ma esele awa onzi musoro ofezu ani were.
- Kokobi mali ni edezu enzoru kaniku eseleni cozu enzosi musoro ofezu ani were.
- ‘Ba ni angu mali ni engazuri ecezu enzosi. Ekile ‘ba eco eda kini mali di enga COMESA a (Common Market for East and South Africa) eri ani musoro ofe were be ni de te mali di enga amve.
- Mali ziza, ma ena ani ku be ni.
- Aje cu a ri ezazu. Mali oguza ‘ba eri ozi aje koko, eri fe mali ‘mba cu a ri ni eca efi kokoru, abala orodri koko ru dile ri eji.
- E’deta pari ‘ba ni afa edezu di a ri pini edezu ri, mali oguza ni abala orodri koko ru ri eji.
- Eri aziako eji. ede ta tojari cu a ri ni ede si, eri fe gamete ni musoro ‘ba ni ta aza ko za fezu ‘ba ni ri avi.
- Eri ori eji ‘ba ma eselea ‘ba ka ani afa nyafe ru osule di eji oguzaru.
- Eri edri aviza eji ‘ba ma eselea adisikuni afa ‘ba ni ejile oguzaru di yi onzi eco vini ‘ba di ra.
Azita East African Community Customs ni ri ki ni, afa ejiza oguza ru ri eri azita nyoza ni, panga ni eri ci. Azita nyoza azini eri ma panga nde eyi di ni le: –
|
SN |
Azita Nyoza |
Panga ni |
|
1. |
‘Ba ka ndege kaniku oguru ayu afa oguza oji zu |
· Mali ‘ba ni eji ovu pi were ekile toni 250 ma vu ti a ri ma panga USD 7,000 azini mi mutukari avi dri nia. · Mali ‘ba ni eji agapi tani 250 ma dri le a ri ma panga USD 10,000 azini mi mutukari avi dri nia |
|
2. |
Agu mutukari ma dri le ru ri ka mutukari ayu mali oguza ojizu |
Panga ni ri alini USD 5,000 ku azini, eri nga mali pi mutukari ‘be avi te. |
|
3. |
Agu mali eji pi, ji pi, dro pi, kaniku esipi kaniku oji pi miri ma tia si, kani ku ‘ba ni esu mali oguza be ri |
Eri nga ovu ombe za ru aru jua ogo go eli 5 ‘di pi kaniku eri nga panga ofe 50% mali oguza ‘da ma ombo vu si, kaniku eri tro. |
|
4. |
Mali ziza jizu kaniku ejizu |
INI
Mi ma ece oduko mali oguzani ni ri URA dri simu 032344205 di si kaniku waraga cim@ura.go.ug. Agu oduko onyiru di ece pi ra fezu ‘ba ni musoro gamete ni ri esuzu ra ri ni nga dria dria esu 5% musoro ‘ba ni esu ‘da ma ombo vu si.
EYO GAZU
Oduko di eri lu ‘ba musoro ofe pi di ma dri cezu kililiru azini eringa i oja odu vu si ojata azita musoro vi le ri ni i oja ri vu si.
