Aisubusaeta keere nu ejaasi orionget lo angaleu ka amukian ekotoi aiwadikaun keda;

• Erionget lo o’Uganda lo ikamunitos nu aiwadik aisubusaeta anu adumun eikiror lo aisubus (Uganda Registration Services Bureau -URSB).
• Erionget lo o’Uganda lo ipugat nu ikee (National Drug Authority -NDA) anu adumun alasisi
• Apugan na okwap kwape nat ekansulo lo okampala -KCCA) anu adumun alasisi na aisubus (trading license)
• Erionget lo eija/aituk esolo (Uganda Revenue Authority -URA) anu esolo

Anu itunganan (For individual)

• Akadi na akwap na ajenar (National ID) arai adio adope kotoma apapulai nu itosomao ajenitor itunganan kwape nat nat apapula na alosit akwapin (passport), alasisi na airenge emotoka (driving permit), akadi na aise (voter’s card), akadi na ajenuno na ecalo (Village ID), akadi na aswam (Employment ID), akadi na ejenere ikerai (Refugee ID), apapulai nu itodunitos epone lo itosomaere ikapun aingadet (Bank statement), alasisi na aswam (work permit), acadi na itodunit epone lo ejaar eisau kon lo apiyai (financial card), akadi na ikapun kon (VISA), akadi na erionget alo aingad ikapun lu aiyengun aswam (NSSF), ka ace.
• Akadi na eiwadikaun (Certificate of registration) (arai ijai ijo aisubus)
• Apapula na itodunit ikulepek ka na acamanar kwape iupak (Statement of particulars and partnership deeds (in case of a partnership))

Anu ikampunin (for non-individual)

• Afomu na ekampuni 20 (Company Form 20)

• Apapula na aiwadikaun (Certificate of incorporation)

Kicikak ne anu ajenun iboro lu ekotoi anu eiwadikaun

• Ekotokin ijo aipejoikin elago lo URA aneta ura.go.ug
• Kicikak ne kanu eiwadikaun kwape itunganan (individual)
• Kicikak ne kanu eiwadikaun kwape ekampuni (non-individual)

• Esolo lo ameda na aisubus (income tax)-noinoi lo itatacio aisubus na edit-lo edaunitai aitutub olomute eitiai lo ikapun alu egwelunos okaru (Majorly presumptive tax)

Ilelebio apapulai nu kwape adio papulai keere nu esolo alo ameda.

Kicikak ne anu adumun nu ipu nu ikamunitos aileleb apapulai nu esolo.

Idau ijo aileleb apapulai kon nu esolo, ekotokin ijo aitac esolo lo ilimorit ijo itosomai iponesio lu ejaasi anu aitac kwape nat aiboisio nu ingadaere ikapun (banks), epone lo ijukere ikapun olago (EFT, RTGS), aijukar ikapun osimu (mobile money), akadi na ebank na etacere (VISA, Mastercard) ka enaba lo ebakai ebe USSD Code (*285#), ka ace da.

Kiitunite ebe: Apaarasia nu ebeitor aitac esolo ngon eriakasi keda apaarasia nu aileleb apapulai nu esolo.

 Kicikak ne anu aiwadikaun anu aitac esolo

• Kicikak neanu ajenun apedorosio kon kwape atacan esolo
• Kicikak neanu ajenun nu ebeit ijo aswam kwape atacan esolo

Arai mam ijo ipedori aiwadikaun olago, kipejok eyapesi lo URA lo iyapiatar ijo anu adumun aingarakino, arai mam inom esimu lo inomio abure 0800117000/0800217000 or arai ijuk ailipan kon olago lo isiriamununei itunga (WhatsApp): 077214000