Man obedo agel ocolo ame rwom me wel jami aen ocato imwaka acel kato ciling milyon mia acel kede pyero abic oko dok en cato jami ame oromo keto ocolo iye.

Ka itye kede cato wil ame tye ikodi epone man kun pwod pe icoye me culu VAT, myero icoye oko me gelo kit ocolo man ame oketo ikom wel ayin imedo ikom ginoro ni ka icato boti.

Man room bedo kit catowil acalo Cupamaket, ka cato jami gedo kede nyony, Ka cato jami me duka, ajen kede ocatwil ame poko jami ikabedo apapat, Ocat jami kubu mac kede jami ame tio kede mac, teki ka wel jami agin ocato mwaka imwaka tunu Million Mia Acel kede Pyero Abic.

• Coye oko ite yuba a URA me miyi ricit kede invoice ame kun ikubere kede URA cutcutu pi gin acel acel ame ocato nyo odeno olwongo e- receipt kede e-invoice ite yuba me EFRIS.
• Myero icak medo eka ite dang rayo oko ocolo me VAT (18%) iwi jami ducu ame cik ye ni ket ocolo iye ibeo imiyo e- invoice pi jami ame icato den.
• Dwok ripot bot URA ikom ocolo VAT ame yin irao dwe idwe dok myero pe kat nino 15 iyonge tum a dwe moro ni.
• Coo kop ducu amako kite ame cato wili tye awot kede ite gwoko aber.
• Gwokere imiyo ripot me goba, onyo ame dwanyo wi jo ikom kop amako cato wil-li.
• Cul ocolo VAT alubere kede kite ame URA otio cura mere kede ikom ripot ame yin icwalo bot gi dok myere itim ikine me nino 15 cakere ame dwe moror ni otum iye.

Nino me agiki me cwalo ripot amako VAT kede nino me agiki me culu ocolo ni me VAT ducu bedo inino me 15 cakere ame dwe moro ni otum kede.

• Mio itwero cato jami ni bot jang gamente apapat medo kede eryonget adongodongo dok man mio rwom me cato willi mede malo acalo adwogi me nwongo magoba abup.
• Mio pe idonyo iyi abar wic me wel ocolo ame pe otio cura mere aber.

me miy ricit kede invoice ame kubere kede URA cutcutu pi gin acel acel ame ocato nyo odeno olwongo e- receipt kede e-invoice .

Eeta, Yin myero icoye ite yuba me EFRIS teki rwom me cato willi tye iyi akina epona man alubere kede cik me ocolo VAT cura 72 A(2)

Mite ni yin idwok ripot me cato wil-li dwe idwe bot URA teki rwom me cat-ti dong otunu ikodi rwom man.

Click here Dii Kakan pi nwongo ngec ikom kite me cwalo ripot me cato wil-li bot URA dwe idwe.

Iyonge yin idwoko ripot me cato wil-li dwe idwe bot URA, myero dong icul ocolo ame ayaa iye kun itio kede yore apapat me culu ocolo ame ikin git ye iye Bank, Mobile Money, VISA, Master Card, ikin en okene.

Obino dwogo boti ocolo VAT ane yin iculu Ka wel ocolo VAT ame yin iculu ikom jami ame yin iwilo kato wel Ocolo VAT ame yin irao ikom jami ame yin icato kede Million abic dok malu kun ocolo VAT ame yin ibin iculu ca otio kede e- invoice.

Man iromo timo ka itye idwoko adwogi me cato wil-li pi dwe moro ni, kun nwongo iyero kan ame ocoo ni dwogo cente na, ka wel ocolo ame yin iculu ikom jami duka ame iwilo kato wel VAT ame yin irao ikom jami ame yin icato kede milyon abic wot malu.

An Dang Atwero Nwongo Gum Me Gamente Ijala Ocolo Moro Ame Onwongo Myero Aculi?

Ee ta, Tye kwon ocolo apapat ame gamente twero jalo oko kun onwongo myero iculi dok ikin git ye iye;