Nu agwel ka agwelanar alupok ko Uganda imoriaritos lu imarimaritai kokwap;

1. Agwelak ka agwelanarak Alupok (Land dealers)

Eraasi do lu itunga lu egwelete alupok anu agwelar/agwelanar.

2. Etopolon alupok (A land developer)

Nges etunganan lo egweli alupok anu agwelar konye itopolouni ber alupok ngun tetere ekec ebeei iyatakin. Iswamai do ngesi nu opone alo atiakatiak alupok nu. Kwape nat toma osais lo 50X100, arai bo nat arucokin akipi ka akim na eipie osiep, eigwaikin etogo, ka acie apoloeta da nu ikeunete ebeei lo alupok.

3. Adukon (Property developer)

Nges etunganan lo egweli alupok kosodi adukokin etogo arai bo nat lo egweli etogo lo emojongit osodi eisiteteun anu agwelar.

4. Arucokinan Agwelak ka agwelanarak alupok (Real estate agents)

Nges itunganan yen erucokini agwelan ka agwelaran alupok arai itogoi. Ejatatar alasisi na ecilakit ngesi erionget lo alupok, aduketa ka apol na etaun (Ministryof Lands, Housing and Urban Development).

Erucokinete kesi ikulepek itogoi da keda lu ekotosi eipagis itogoi.

5. Olope aduketa (Landlord)

Ngesi itunganan yen ipagisanari aduketa ka alupok ne ejai epagisan anu atacio. Epedori olope aduketa(it) araun itunganan ilope, ekampuni, lo edaran (trust), apugan arai bo nat erionget (institution).

Kanu adumun ace da, ipejok eyapiesi lo URA anu agangat arai bo nat inom esimu lo abure 0800117000/0800217000 arai bo nat arucokinos olago lo itunga (WhatsApp): 077214000