• Etacio esupan anu aswam ana aitemonokin kwape nat akorokor alimonoreta nu iwadikatai (flyer distribution), alimonor alimoreta nu (agwelanar na) o radio, television, alimonoreta nu olago ne iyalatar itunga (social media campaigns), toni aswam ainyikokit aisup itunga luce anu anu ejaasi nu ikamunitos awook ka aboliak. Akec apeleikinet na akere ngesi ebe aitosom ikapun lu edaunitai aitemokin bon anu aisupuna itunga lu ipu atukokin aite arai aipup nu awook/aboliak ido.
• Aanyun ebe egwelaros etikitin keere nu etemokitai anu anu ejaasi.
• Erai esupan aanyun ebe ejaasi/ecilitai arisitin nu iburaet atacio (invoices) ka nu etacitere (receipts) anu angon garama keere lo etacitai.
• Ekoto ngesi atiakar/aitasalikin (withhold) esolo lo ikanyape angun kwatat (6%) lu etaci ngesi lu itwegelikitos ngesi iboro arai aswamisinei nu epol ebeei adepar imilionit ((invoices whose value exceeds 1m)
• Ekotokin esupan ainerun (engage) ka URA airiamet (meeting) anu ajenun ebe emoritos URA aomisioit adiope ka ngesi anu alosit na akiro nu ejaasi (event proceedings).  
• Ekotokin ngesi aanyun ebe adau lo ebeit aiwoo/abolia adumun alasisin keere nu ecamakitos ngesi aswam.

1. KCCA/ekansulo lo aiboisit (Municipal council) anu aikajanikin alimonoreta (for pinning-up the posters)
2. Acamakinet na acelanar na aruo (Permission for sounds pollution)
3. Acamakinet na Police na itogogongit ebe ejaun ayuwara (Permission from police that confirms safety).

Esubusak keere lu aipakas na aisup o Uganda, ekoto iwadikaunos keda;

• Erionget lo Atukok Esolo (Uganda Revenue Authority (URA)) anu esolo
• Anu alu eraasi ikampunin/lu mam era itunga ikulepek (non-individual) ipedori ijo aiwadika ekiror ekampuni kon keda erionget lo aiwadik asubusaeta (URSB).

Anu itunganan ilope (individual)

• Akadi na ajenio na akwap (National ID)
• Apapula na aiwadikaun (Certificate of registration)

Anu ekampuni (For non-individual)

• Afomu 20 na ekampuni (Company Form 20)
• Apapula aitegear aisubus kwape ekampuni (Certificate of incorporation)

Kicikak ne anu ajenun iboro lu ekotoi anu eiwadikaun

• Ekotokin ijo aipejoikin elago lo URA ane ura.go.ug
• Kicikak ne anu eiwadikaun kwape itunganan ilope (individual)
• Kicikak ne anu eiwadikaun kwape yen mam erai itunganan ilope kwape nat ekampuni (non-individual)

Kicikak Ne anu ajenun akon apedorosio ka nu ebeit ijo aswam kwape atacan esolo.

Esolo Lo Etiakaro Etacio (Withholding tax)

Etaci do esupan esolo lo arai egwela ngesi iboro/aswamisinei nu epol eitiai adepar emilionit edope ne ejai itunganan yen esekunit URA anu atiakanar esolo ngon (withholding tax agent) ido ijukaro do ikapun ngun ne ejai URA angon elap.

Esolo lo ameda ana iyatanakin oboro apak na asubio ka eitoloto kec (Value Added Tax (VAT))

Anu esupak lu edumununete ikapun lu edeparete imilionin akwatat akais akany kotoma okaru, ebeit do kesi aiyatakin esolo ngon obei kec kosode atukokin anu aijukar URA. Ekotokin do kesi aiwadikaun aitosom arisitin nu EFRIS.

Ne do duc edumuna esupan agangat ane ejai edio kampuni (sponsor), ekotokin ngesi aicil arisiti na ilipet atacio (invoice) na imoriarit esolo lo VAT itosomai EFRIS kosodi do ainakin ekampuni ngon.

Kicikak ne anu eiwadikaun anu esolo alo VAT.

Kicikak ne anu ajenun nu ipu anu eileleb apapulai nu esolo kwape esupan.

Idau ijo aileleb apapulai kon nu esolo, ekotoi do ijo eitosom iponesio lu ejaasi anu aitac esolo kon. Kwape nat obank, isirigin lu osimu, akadi na isirigin na ebakai ebe VISA, eitosom iponesio ice lu ijukere ikapun kwape nat EFT, RTGS, Mastercard, USSD Code (*285#), ka ice da.

Koany: Aparasia nu aitac esolo eputosi/eriakasi kede nu aileleb apapulai da

Kanu adumun agangat ace, kipejok eyapesi lo URA lo iyapiatar ijo anu agangat arai bo nat inom esimu lo abure 0800117000/0800217000 arai bo enerakinos olago (WhatsApp) 0772140000